閒悠。館 (已結業)

晚飯時間，隨便找一間餐廳解決。見門外Menu有大根豬軟骨定食 ，見佢價錢又唔算太貴，決定一試。店入面坐位寬敞，侍應服務態度非常好，上菜速度都快。上菜再睇下賣相，都好似日式嘅擺盤，望落去都幾吸引，點知一起筷就出事。1. 味增湯，淡淡嘅味道，屬於清湯嘅類別，飲前都攪一攪番勻先飲，都係冇咩味道。2. 跟餐室溫餃子，味道就普普通通，就算熱都唔會好加分果隻。3. 主菜大根豬軟骨算係加分位，不過都係唔夠熱，肉質係腍嘅，味道都夠，但最大問題都唔係響肉果方面，係白蘿蔔出晒事，狀態係硬，筷子都要好用力先分得開佢哋，咁諗都唔駛諗都知道唔會入味得去邊，完美演繹一舊冇味硬生生嘅蘿蔔。呢間餐廳係我覺得同場最失望餐廳，我相信暫時未搵到對手，希望下次幫襯果時有所改善，如果再有下次的話。