影片
更多
2021-06-22
269 瀏覽
之前經過呢間鋪已經覺得好吸引，見今日番工忙完決定獎勵下自己唔煮飯買外賣先🤣食物櫃放滿野食好吸引😍有超多款式，前菜、小食、炸雞、主食等，方便我呢啲懶人買番屋企第日叮黎食。今次買左豬排飯卷同蟹肉蟹子蛋卷。豬排飯卷有十大舊，包得好實淨，唔會一夾就散。加入左青椒所以辣辣地，豬排有先調味，肉質都唔錯。配菜份量好多而且好新鮮，有黃蘿蔔、青瓜絲同牛蒡絲等，食落好爽口添！蟹肉蟹子蛋卷色好靚，都好大舊！🤗入口有濃濃蛋味，加入蟹子同蔬菜粒令口感更豐富，如果蟹味再多小小就完美喇！整體上兩樣都好滿意，賣相好得，包裝都好好，加上有好多選擇，我已經好想再去試其他野！
食物櫃放滿野食好吸引😍有超多款式，前菜、小食、炸雞、主食等，方便我呢啲懶人買番屋企第日叮黎食。
今次買左豬排飯卷同蟹肉蟹子蛋卷。
豬排飯卷有十大舊，包得好實淨，唔會一夾就散。加入左青椒所以辣辣地，豬排有先調味，肉質都唔錯。配菜份量好多而且好新鮮，有黃蘿蔔、青瓜絲同牛蒡絲等，食落好爽口添！
蟹肉蟹子蛋卷色好靚，都好大舊！🤗入口有濃濃蛋味，加入蟹子同蔬菜粒令口感更豐富，如果蟹味再多小小就完美喇！
整體上兩樣都好滿意，賣相好得，包裝都好好，加上有好多選擇，我已經好想再去試其他野！
張貼
