影片
更多
2022-05-02
232 瀏覽
對i cremeria 嘅印象係朗豪坊分店大電視機下面有一間原來好多人，不過原來而家執剩海港城同東涌分店，幫襯過一次之後覺得好可惜得咁少分店😹最近先開始幫襯，尤其有得用海港城coupon好抵食！其實i cremeria蛋糕一啲都唔平，價錢同LadyM一樣，但對比下LadyM實在太多人無論外賣定堂食都勁長龍，兩個人去食一件千層蛋糕又唔夠但兩件又好漏，而i cremeria個午後輕食甜品套餐反而幾好share食剛剛好而且價錢變相合理，係我個人覺得優勝嘅地方😂另外海港城分店內裏空間比細，記住係要落單買咗飛之後先排隊，職員係根據落單編號而叫飛比位坐，所以你盲目排隊但冇俾錢落單係傻豬豬。東涌分店就比較大真係一間大餐廳多啲座位空間會舒服啲。👓日本和三盆糖蜜瓜海綿卷拼盤 $158（日本和三盆糖蜜瓜海綿卷、士多啤梨芒果焦糖燉蛋、雜莓芭菲/白玉紅豆芭菲、飲品）👓士多啤梨蛋糕拼盤 $158（士多啤梨蛋糕、士多啤梨芒果焦糖燉蛋、雜莓芭菲/白玉紅豆芭菲、飲品）I Cremeria 走日本風，採用日本材料所以日本哈密瓜超級甜！蛋糕造型都好少女好靚❣️🍈蜜瓜蛋糕係卷蛋造型，剩係得中間個蜜瓜餡料好食，佢嘅蛋糕質地比較
最近先開始幫襯，尤其有得用海港城coupon好抵食！其實i cremeria蛋糕一啲都唔平，價錢同LadyM一樣，但對比下LadyM實在太多人無論外賣定堂食都勁長龍，兩個人去食一件千層蛋糕又唔夠但兩件又好漏，而i cremeria個午後輕食甜品套餐反而幾好share食剛剛好而且價錢變相合理，係我個人覺得優勝嘅地方😂
另外海港城分店內裏空間比細，記住係要落單買咗飛之後先排隊，職員係根據落單編號而叫飛比位坐，所以你盲目排隊但冇俾錢落單係傻豬豬。東涌分店就比較大真係一間大餐廳多啲座位空間會舒服啲。
👓日本和三盆糖蜜瓜海綿卷拼盤 $158
（日本和三盆糖蜜瓜海綿卷、士多啤梨芒果焦糖燉蛋、雜莓芭菲/白玉紅豆芭菲、飲品）
👓士多啤梨蛋糕拼盤 $158
（士多啤梨蛋糕、士多啤梨芒果焦糖燉蛋、雜莓芭菲/白玉紅豆芭菲、飲品）
I Cremeria 走日本風，採用日本材料所以日本哈密瓜超級甜！蛋糕造型都好少女好靚❣️
🍈蜜瓜蛋糕係卷蛋造型，剩係得中間個蜜瓜餡料好食，佢嘅蛋糕質地比較粗糙有啲厚，唔算係好鬆軟好creamy出色嘅蛋糕。強烈覺得雪糕比蛋糕好食！
🍓草莓蛋糕反而比較creamy，中間夾心一層忌廉同草莓然後面頭又有草莓，士多啤梨有草莓香但唔算好甜，係帶酸甜。草莓蛋糕質感鬆軟creamy啲，但哈密瓜味嘅水果比較甜好食啲，好難選擇😂
🍦採用北海道牛乳雪糕所以雪糕好香滑creamy又有牛奶味，因為係芭菲所以底部有脆米脆卜卜。雜莓芭菲係就咁牛乳雪糕所以單一明顯好重牛奶味，配有士多啤梨藍莓；白玉紅豆芭菲就採用抹茶+牛乳混合雪糕，明顯有抹茶味所以鍾意食抹茶嘅朋友好岩，而且配料豐富啲有白玉同紅豆！
🍮 士多啤梨芒果焦糖燉蛋係燉蛋底部有少許士多啤梨粒和芒果粒，少許水果粒令到燉蛋冇咁單調😍燉蛋面頭有塊焦糖脆片，但係燉蛋質地比較吉士狀口感，有別於出面嗰種燉蛋凝固狀，口感上係差少少嘅
☕️飲品都有好多種選擇！我就試咗Latte/玫瑰紅茶，味道唔錯，但可能疫情關係所以用上紙杯有啲求其，希望可以港女少少有啲靚茶杯
❣️整體賣相同味道都有質素，尤其如果依個價錢兩個人share嘅話，而且仲有其他食物例如單售雪糕/芭菲/蛋糕。
張貼
