生記鮮魚湯米線 (已結業)

是日收工自己一枝公走去搵野食見呢排成日出街覓食，煎煎炸炸，在所難免所以決定要食清啲！由於時間尚早仲未到lunch hour，所以門口都得一兩個人等緊外賣，但入面都已經幾乎滿座😯溫馨提示，要食真係要早少少去等位！唔使睇menu我呢啲熟客仔梗係一坐低就叫碗順德魚腐魚湯米線啦！魚腐大大粒啖啖肉，魚湯濃度剛剛好！可惜我一直都覺得佢個米線真係唯一既敗筆，太粗同麵質太淋身如果可以轉一轉米線供應商就好喇！或者下次都係叫個泡飯底算～今次都差唔多飲哂啲魚湯，真係好好味