東記上海麵

營業中

休息中

東記上海麵💙💙話說上次同屋企人食過一次，豬扒好好食，今次同男朋友黎開大埔，帶佢去試下先！今次我地叫左兩個麵，一個係豬扒榨菜肉絲粗麵，一個係炸雞翼墨魚丸河🩵炸雞翼墨魚丸河炸雞翼個皮好硬，感覺好似炸完擺左好耐吸晒水再翻炸咁，但係入面嘅調味都ok嘅，墨丸就唔錯啦，彈牙有咬口，又有幾香嘅墨魚味，但係個湯就完全冇味，好似清水白烚咁，就算落左辣油同鹽都係無乜味🩵豬扒榨菜肉絲上海麵成個碗麵係榨菜，份量好足，但係肉絲就無乜味，上海麵粗到好似烏冬咁樣，都幾好咬口，個湯就都係一樣清過清水重點主角係豬扒，但係今次個豬扒同上次比差左好多，好似未炸到上色咁，但係食落好鞋又冇乜豬味今次食落真係有啲失望，可能無下次架啦