椰林苑

營業中

休息中

新店開左冇耐，街坊點都要試一試，一至日都係同價，最貴時段都係 $198，麻辣雞煲出便食得太多，今次先試下佢個花雕醉雞鍋。6 點幾去到，係第一檯客，2 個人坐低，好好招呼，。原來湯底同雞是分開上的，雞有半隻，都幾大，不過佢好似冇話鮮雞定冰鮮，我都唔識分，不過賣相都幾靚仔，湯底有淮山、杞子、紅棗，都幾重藥膳味，唔錯，而且每次都唔係加水，係加湯，食到尾加左 2 次都仲好重藥膳味，讚 ！肥牛係安格斯牛肩胛，偏瘦，不過睇翻價錢，就唔可以同和牛、牛小排果 d 比，但都唔韌，另一款美國肥牛就同煙肉差唔多，肥瘦 50/50，預期之內，純粹叫黎試下。又有鯇魚腩/片，脆鯇腩/片都幾出色，鵝腸、花姿片非常爽口，其餘丸類都係一般佳寶貨色，飲品款式都有 10 多款，還有藍冰、龍堡啤酒都係任飲。可能新開張關系，樓面招呼非常周到，由入座、途中跟單、周圍同客人吹水、到埋單都好好。當大家樂/大快活迫迫夾夾 2 個人火鍋叫多少少都要 2 舊幾，等個酒精火種由飽等到肚餓既時候，最貴都係 $198 絕對對得住呢個食物質數啦。仲有幾個烤魚湯底，有機會試埋佢。