藏戶概念館 (已結業)

週末同老婆去信和補返隻 Pet Shop Boys CD 前黎食晏，貪這裡旺中帶靜，好彩訂左卡位，如果唔係要等。三文魚手卷X2 - 手卷既三文魚完全唔新鮮，差過連鎖壽司店 燒三文魚腩壽司 - 三文魚腩肥既部份佔左大半，雖然燒得幾香，但有被騙既感覺 帶子壽司 - 帶子細片唔厚，一般新鮮。北海魚生飯午餐 - 前菜係兩片炸魚，麵豉湯熱熱的，三文魚刺身鮮甜有四片。魚生飯濕度適中，甜蝦和三文魚子幾新鮮，帶子一般，海膽老婆話配飯唔錯，北寄貝算大片，甜蛋則太甜了，還有蟹柳。餐飲要左杯港色奶茶。綠茶淡得很，但侍應常主動加水。值得一讚係 wasabi 辣度夠。三點前部份壽司有半價，但一分錢一分貨，還是定食較好！澳門都有分店。