影片
更多
2022-09-14
24 瀏覽
omakase咁貴嘅價錢，我呢啲小平民平時真係唔捨得食，今次慶祝好朋友👭升職，難得地豪盡佢！千揀萬揀揀咗呢間omakase～我地分別試唔同set，我呢個「雪」set $1280，有前菜3點、壽司15貫、卷物、湯&甜品由前菜開始，已經係由一位廚師全程serve我地，食嘅先後次序、品嚐嘅方法，都一一介紹前菜有超甜嘅北海道白粟米🌽、鴨胸包住大蔥&青瓜絲，仲有超特別嘅蟹肉波波，薄脆嘅外殻入面有蟹肉玉子沙律，面頭灑啲芝麻更加香到主菜15件壽司，omakese食新鮮、時令嘅靚魚生已經係基本野，但係要做到突圍而出，呢到嘅師傅就用盡心思，每一件壽司嘅調味、處理方法都有啲唔同，務求令客人食完之後有「記憶點」🍣有青檸汁嘅岩手縣石垣貝，師傅拍一拍刺身，即時收縮，入口清甜爽口🍣左口魚薄切配左口魚裙邊，兩種唔同嘅口感，味道清清地，有甘香嘅柚子皮配搭，開咗個胃😆🍣脆口嘅紫菜夾住炙燒過嘅帶子，上面有鮮磨嘅wasabi，帶子厚肉大舊，勁滿足🍣北海道花哨蟹，啖啖肉再混合蟹膏，真係啖啖鮮甜😍🍣醬油漬吞拿魚加紫蘇葉，入口幾清新，紫蘇葉嘅味道令魚味更突出🍣燒過嘅鰈魚入口油脂肥美，七彩芝麻影嚟打卡幾靚🍣煙燻鰹魚上放咗炸蔥絲、土
我地分別試唔同set，我呢個「雪」set $1280，有前菜3點、壽司15貫、卷物、湯&甜品
由前菜開始，已經係由一位廚師全程serve我地，食嘅先後次序、品嚐嘅方法，都一一介紹
前菜有超甜嘅北海道白粟米🌽、鴨胸包住大蔥&青瓜絲，仲有超特別嘅蟹肉波波，薄脆嘅外殻入面有蟹肉玉子沙律，面頭灑啲芝麻更加香
到主菜15件壽司，omakese食新鮮、時令嘅靚魚生已經係基本野，但係要做到突圍而出，呢到嘅師傅就用盡心思，每一件壽司嘅調味、處理方法都有啲唔同，務求令客人食完之後有「記憶點」
🍣有青檸汁嘅岩手縣石垣貝，師傅拍一拍刺身，即時收縮，入口清甜爽口
🍣左口魚薄切配左口魚裙邊，兩種唔同嘅口感，味道清清地，有甘香嘅柚子皮配搭，開咗個胃😆
🍣脆口嘅紫菜夾住炙燒過嘅帶子，上面有鮮磨嘅wasabi，帶子厚肉大舊，勁滿足
🍣北海道花哨蟹，啖啖肉再混合蟹膏，真係啖啖鮮甜😍
🍣醬油漬吞拿魚加紫蘇葉，入口幾清新，紫蘇葉嘅味道令魚味更突出
🍣燒過嘅鰈魚入口油脂肥美，七彩芝麻影嚟打卡幾靚
🍣煙燻鰹魚上放咗炸蔥絲、土佐醋啫喱，微微嘅煙熏味道加上酸酸甜甜，感覺好特別
🍣伴著京都橙漬嘅深海池魚，中和番池魚嘅油膩感
最特別嘅係蝦蝦4重奏，4樣唔同蝦嘅做法，分別係開邊甜蝦、刴碎嘅蝦茸、燒蝦頭嘅蝦膏，再加櫻花蝦炒香後磨成嘅粉
食到飽到已經九成之後，仲有個超好食嘅卷物！師父先將拖羅嘅脂肪邊燒香，用佢嘅魚油撈埋拖羅容、赤身、大蔥、青蔥、芝麻，再加卜卜脆嘅天婦羅面衣，做成一個卷物，真心勁好食，飽都要食！
食完卷物有碗熱湯暖下個胃，我本身已經好鍾意魚湯，師傅話佢地用咗六斤魚煲咗三個鐘，再加洋蔥🧅、甘荀、其他嘅配菜，先可以令魚湯濃郁得來又唔會腥
最後仲有甜品，紅豆抺茶蛋糕，好香嘅宇治綠茶粉，配日本嘅蜜柑，畫上完美嘅句號。
張貼
