英記中泰美食

營業中

休息中

大埔墟街市真係好多好嘢食，見去開食嚟食去都係果幾間，就諗住試下新野，黎到呢間泰式小店午飯。佢地得一個舖位，佔嘅枱都唔多，不過拎起餐牌又好似幾吸引。首先叫咗個喇沙雞絲湯粉，其實用料都十足架，有蝦雞絲雞蛋生菜同冬菇等等。而湯底好夠椰汁味，唔辣既，不過味道就好單薄，亦唔濃稠；而個粉就似米線，煮得太稔易斷。另外呢個咖喱豬扒飯都好足料，用既係一大塊炸豬扒，同埋大量薯仔同蕃茄；可惜個汁真係太無咖哩味，同埋好似茶記咁打左茨，味道不討好。其實場中仲有另外一間泰國野，我覺得有比較好快就會汰弱留強，小店要急起直追。