德興酒家 (已結業)

幾年前黎過呢間德興，平時去開尖東果間，但質素都冇大分別。今年趁涼涼地就去打下邊爐，發覺差左...order親乜野，要2碟都只係黎1碟，以往嚮尖東打開，都唔會咁(雖然都唔會次次比足，但不至於每次都只比1碟)肥牛：用order紙order過4次(每次都係寫2碟)，但合共只比左3碟，仲要中間第2碟等左好耐都唔比，催侍應，我諗佢冇幫我追啦，一樣都冇，之後再落紙要2碟先又係有1碟，有搵笨之嫌囉，每次order先黎一碟，有時漏單又唔黎，咁乜野叫任食??奶皇水晶飽：以前去佢度鍾意食呢樣，但係我發覺粒飽大粒左好多，厚皮左好多，以前薄皮入面奶皇又大pat，而家又厚皮，粒野大左但奶皇份量好似仲少左添，滾極浸皮都唔得透我一向覺得德興打邊爐質素係幾好，但扣晒分囉，開始減料又用奸計。