壽司喰 (已搬遷) 新店位置

以前住呢頭附近都偶然黎食下質素都算唔錯，今日過開黎中環就食返個LUNCH。一入去職員態度嘅就麻麻地，有d躁底，可能中午多人掛。我記得之前食d刺身係唔錯嘅，所以叫咗個海鮮丼食，朋友叫咗個和牛丼。等咗大約15分鐘，個飯一黎到我見到d帶子勁薄，即刻有d失望，味道都ok既，但太薄口感始終差d。海膽唔係甜果隻，無乜特別，最後就係d飯太少，食完都唔夠飽。而朋友果個和牛丼我都有試，d牛唔知點解都幾多筋，但味道就無問題。如果係呢個價錢我就覺得可以做返好d。