點心宗司 (已結業)

深水埗點心宗司早排見到人哋網誌介紹呢一間點心舖，特登慕名而黎， 嗌咗五個點心，可惜質素不如預期。橙汁卷質感膠膠地，好似芝麻卷同埋啫喱嘅混合體，味道食落好似橙樹化痰素咁， 好artificial。 瑤柱花菇湯餃嘅餃子皮好厚粉，上檯果陣已經浸到林曬。 雖然口感麻麻地，但餃子尚算足料，味道都ok。 牛油果蝦春捲有啲油膩， 咬落去啲油唧曬出嚟 。內裏嘅牛油果餡好少， 食落去冇乜牛油果味。百花蘿蔔糕幾好食， 蝦肉配上蘿蔔糕攞去炸，意外地夾， 可惜一碟只有一嚿，個量真係有啲少。五個點心入面最好食就係合桃包，包身軟熟， 餡呈流質狀，入面伴有合桃碎芝麻， 甜甜地幾好食。五個點心入面有三個點心都唔合格，如果冇改善，大概唔會再次幫襯。