Table 18 Bar & Restaurant (已結業)

Table 18 以前比我既感覺係走平民路線既多元西餐廳同為King Parrot Group成員但佢賣既香腸, 豬手, 同啤酒都比其他同group既餐廳平!食物亦算頗有特式!但經過早兩次加價轉餐牌後, 食物價錢已經同德國餐廳睇齊!只係得返啤酒比較平...Hoegaarden唔洗多介紹啦~著名比利時白啤~ 偏甜易入口!菠菜鮮蠔忌廉湯蠔味適中, 菠菜無切碎磨蓉, 只係當湯料咁食~ 湯入面無乜菠菜味牛尾雜菜湯牛尾去骨切丁粒, 湯底係牛肉湯, 好濃, 入口會有D燥既感覺菜都係切粒, 所有湯料都係一堆粒, 都幾好味~蘑菇雞肉腸拼薯餅雞肉腸味道一般, 內有蘑菇粒~薯餅係新鮮薯絲做既, 值得再三回味!煙三文魚意粉伴檸檬牛油忌廉汁味道其實幾好, 但份量太少!! 個碟勁大...個意粉勁細...煙三文魚半熟, 汁只帶有好微既酸, 唔講都未必知有檸檬! 其實咁樣反而好入口, 唔係人人都受得酸味!香煎比目魚伴忌廉汁煮蛋白比目魚尚算厚肉, 魚油豐富~~ 魚皮煎得脆香!忌廉汁煮既蛋白好滑好好味~ 好suprise~從來未試過咁既煮法!蘋果批伴雲呢拿雪糕蘋果批熱辣辣, 雪糕凍冰冰~ 完美配合!仲有雲呢拿汁跟埋添!