醉翁亭火鍋館 (已結業)

和友人的每月一聚-今次選了醉翁亭。位置超級好找，apm麥當勞個邊就有電梯乘搭。有樣野留意返，電梯分兩款既，搭右手邊那幾部就可以。入去既話門口冷氣充足，但入到去開始打邊爐既話就唔多夠，始終地方好大加上每一台都開著一個爐。佢座位好好坐，2人都是給4人位置，但如果是坐對面的話說話要大聲一些了，位置隔得有點遠😂講番食物方面呢，送既食物有刺身拼盤（呢個正，雖然每人一片，但都是厚切的）手切牛（這個好吃，但任食就冇牛）西蘭花鮑魚炆冬菇（呢個好一般...最好食反而係冬菇）海鮮拼盤（海鮮好新鮮，但吐沙方面要改善，有北寄貝那個勁多沙）大餃子（超足料，好好食，可惜每人得一隻）。講番湯底我地揀佐冬瓜瑤柱湯底，呢個好鮮甜，撈到好多一絲絲既瑤柱既，冇偷工減料。任食選擇唔多，但每一次都是良心食物，特別推介牛丸同烏冬。至於任飲方面，希望追加多些選擇。總括係可以再幫襯間既