醉翁亭火鍋館 (已結業)

工作關係所以嚟睇下之前朋友做嘅商場，咁啱到咗晚飯時間，見到間自己又啱食嘅舖頭，咪又入去食下囉。話說回來，呢間舖比起其他我食過嘅釣魚翁相較無乜人，不過食物呢，我就覺得算係唔錯。我同同事叫咗個普通到不行的湯底，其實我有諗過叫下啲羊腩煲呀，什麼什麼的，但係同事係個古老石山嘅人，我都無謂搞咁多。佢嘅前菜有豬手，雖然炆得唔算太淋，但係都算係幾爽口。今次送嘅鮑魚同埋冬菇菜頭，賣相係幾HEA，不過我都總算仲係食到成粒鮑魚，質素都仲控制到。花菇都幾有肉，同事話佢唔知道而家啲火鍋放題有埋呢啲野，佢話跟住我食先食到呢啲野，其實啊…. 佢出得嚟少食飯啫。另外，不得不試嘅係佢地嘅水餃王，真係邊一間都超多蝦，同埋好多料。烏冬佢用咗稻亭烏冬，算係幾重本，而且淥咗好耐都好佢都好彈牙。雖然我地只係兩個人，但係佢俾啲魷魚呀、鵝腸呀真係幾足料，唔係講笑啊，而且鵝腸淥咗大約十幾廿秒已經食得，入口爽口，連魷魚都一啲雪味都無。 佢地嘅午餐肉可以話唔係用啲流料，因為我淥咗勁耐都唔散，而且仲係好彈牙，大佬午餐肉有咁嘅口感算係好好，而且仲要係放題。其實呢間野我自己都成日推介俾人，佢仲遍佈係咁多個地方，有時朋友食完返嚟都話好食，我都幾