影片
更多
2023-07-08
218 瀏覽
❀ Bianco & Rosso #上環 ❀❗質素及性價比都超高嘅法國餐廳 係近年心目中數一數二❗——————————————————回想起半年前食嘅BIANCO & ROSSO，依然覺得印象深🥰位於上環歌賦街，門面較細貌似普通，但原來內有乾坤。餐廳以白色紅色為主調，配合餐廳主題——苦艾酒，配上圓拱形屋頂，感覺典雅又休閒☺️當日係除夕夜晚餐，所以價錢偏貴少少，但而家Weekend brunch都只需$298，係一間性價比極高嘅餐廳😚.✷𝑀𝑒𝓃𝓊✷☞ NYE 2022 $788♥ AMUSE BOUCHE✦ SOURDOUGH✦ RED CRAB BRIOCHE TOAST✦ JAPANESE ROCK OYSTER當晚先有三款開胃頭盤🥗仲記得滿滿嘅蟹肉配上魚子醬鮮味無比，加上香脆嘅brioche toast，係非常香口嘅一口小食。生蠔加上酸甜醃製蘿蔔粒，都非常清新。.♥ STARTERS✦ GRILLED TIGER PRAWN✦ SLOW COOKED ABALONE跟住有大大條香烤虎蝦🍤以羅望子、辣椒等香料調味。仲有慢煮鮑魚，口感更加軟腍。醬汁更係用上餐廳招牌dry Vermout
❗質素及性價比都超高嘅法國餐廳 係近年心目中數一數二❗
——————————————————
回想起半年前食嘅BIANCO & ROSSO，依然覺得印象深🥰位於上環歌賦街，門面較細貌似普通，但原來內有乾坤。餐廳以白色紅色為主調，配合餐廳主題——苦艾酒，配上圓拱形屋頂，感覺典雅又休閒☺️當日係除夕夜晚餐，所以價錢偏貴少少，但而家Weekend brunch都只需$298，係一間性價比極高嘅餐廳😚
.
✷𝑀𝑒𝓃𝓊✷
☞ NYE 2022 $788
♥ AMUSE BOUCHE
✦ SOURDOUGH
✦ RED CRAB BRIOCHE TOAST
✦ JAPANESE ROCK OYSTER
當晚先有三款開胃頭盤🥗
仲記得滿滿嘅蟹肉配上魚子醬鮮味無比，加上香脆嘅brioche toast，係非常香口嘅一口小食。生蠔加上酸甜醃製蘿蔔粒，都非常清新。
9 瀏覽
0 讚好
0 留言
6 瀏覽
0 讚好
0 留言
.
♥ STARTERS
✦ GRILLED TIGER PRAWN
✦ SLOW COOKED ABALONE
跟住有大大條香烤虎蝦🍤以羅望子、辣椒等香料調味。仲有慢煮鮑魚，口感更加軟腍。醬汁更係用上餐廳招牌dry Vermouth sauce🥃
13 瀏覽
0 讚好
0 留言
10 瀏覽
0 讚好
0 留言
.
♥ PASTA
✦ ACQUERELLO RISOTTO
✦ RICOTTA RAVIOLI
Risotto沾滿龍蝦醬汁🦞加咗少少香草油，更能提出龍蝦鮮味。表面仲有大量龍蝦肉。Ravioli就包住ricotta芝士🧀加上濃郁蘑菇醬，感覺會膩少少。
8 瀏覽
0 讚好
0 留言
54 瀏覽
0 讚好
0 留言
.
♥ MAINS
✦ WHOLE THREE YELLOW CHICKEN
ALL MAINS SERVED WITH SMOKED POTATO MASH & BROCCOLINI
嚟到重頭戲，二人份原隻三黃雞🐔
金黃色嘅外皮薄而脆身，皮下冇乜多餘嘅脂肪，但肉質都唔會太鞋😆
曾經喺米芝蓮一星Louise食過同樣嘅菜式，當時價格貴差不多一倍，但覺得質素相約而且份量好大，兩個人一定食唔晒，可以打包返屋企，除返開都唔算太貴👌🏻
最特別一定係用以Vermouth煮成嘅燒雞汁，微微帶有酒嘅苦澀香氣，味道獨特。
2 瀏覽
0 讚好
0 留言
.
♥ DOLCE
✦ SIGNATURE VANILLA CHEESECAKE
值得一讚佢嘅芝士蛋糕🍰同一般紐約芝士蛋糕大大不同，軟滑到好似布甸咁。
而且有滿滿雲呢拿籽，入口啖啖雲尼拿同芝士香，配埋士多啤梨醬就剛剛好。
23 瀏覽
0 讚好
0 留言
.
✦ CHOCOLATE TART
作為朱古力控嘅我大愛呢個甜品🍫
層次非常豐富，面頭係朱古力脆脆加爆炸糖，中間係軟滑濃郁朱古力醬，最後係硬脆撻皮。
一咬落去，有好多種唔同層次嘅朱古力，亦用咗莓中和甜膩感，一咬味道在口中爆發，非常滿足✨
23 瀏覽
0 讚好
0 留言
——————————————————
✨整體味道: 4.1/5
✨環境裝修: 4/5
✨服務態度: 4/5
✨性價比: 4/5
✨再訪興趣: 4/5
.
💞整體來講
雖然事隔半年，但依然印象深刻，覺得係近年食過數一數二嘅餐廳🥰食物味道質素高，價錢合理，環境舒適，係最聚餐甚至慶祝嘅好地方👏🏻
張貼
