至尊滿屋日本料理 (已結業)

一大班人去旺角食野又想坐得耐，最好就是去放題，任食任飲3小時係呢到既好處。我地訂左位7點左右到，上到來都已經好多人，不過好快安排到入座，而且職員禮貌都幾好。人好多，每桌有一本厚厚的點菜紙，哇，都幾多野食，多款式同埋可以任點呢個感覺真係好正，唔駛就住既快感我估就係大家都好LIKE自助餐同放題既原因，始終日做夜做壓力都已經好大，食野可以放肆下你話幾好呢。刺身、壽司、熟食咩都有，我地人人點D就已經一桌都是野食，不過D位就真係細D，坐到好埋同埋好快已經冇位擺野食。野食質數都OK LA，呢個價錢就已經算係咁了，最正係有好多飲料選擇，出面成個櫃自己拎，又有D一特飲可以叫，大家飲下食下吹下水，$200左右就搞店，開心下又過一晚，幾好。