聯興潮州飯店

營業中

休息中

呢間位於上環街市上面熟食市場嘅潮州打冷舖質素唔錯而且收費合理。我哋今晚叫咗潮式凍蟹、韭菜豬紅、薄殼、潮式春菜煲同埋蠔仔粥。老闆娘推介我哋食凍蟹真係冇介紹錯，味道鮮甜兼且好多肉，隻隻腳d肉都實淨，唔會得d水，咁大隻都只係$600，物有所值。韭菜豬紅加咗沙嗲汁所以好惹味。蠔仔粥d蠔新鮮肥美。潮式春菜煲雖然係用五花肉而唔係教授嘅排骨，但係一啲都唔油，真係唔錯。薄殼就唔係好夠肥美，可能季節唔啱啦，不過佢個汁夠正宗，落咗九層塔所以好好食。