麺匠八 (已結業)

🪐今次係第二次幫襯，上次食過一次覺得超好食，簡直係住係呢度既居民福利，今日肚空空，就跟朋友一齊去多次，呢度既環境同上次一樣咁企理，咁乾淨，上次食過既今次會想試下其他款，呢度既出餐速度有效率，我就叫了味噌雞扒拉麵，😇呢款拉麵既份量非常豐富，佢既雞扒係分開上，仲有成碟咁多，要胃口大既人先可以食得晒咁多，佢既雞扒仲有自家醬汁，再加埋外皮香軟，食起上來啖啖雞香，成碗拉麵唔好睇少，份量都好多，佢既溏心蛋超好食，做得好入味，中間既熟度剛剛好，😉成碗拉麵同湯汁融為一體，跟上雞扒好夾味。🎀而我朋友就叫了呢個咖喱吉列豬扒飯，望上去都好有日式既感覺，佢既咖喱味道濃郁，唔會太過辣，☺️叫做人人都接受到既口味，加上飯一齊食特別滋味，可值得推薦係吉列豬扒，做得好惹味，咬一下佢既外層夠晒香脆，中間既豬扒軟棉棉夠鬆軟，真係一間好食不錯既拉麵餐廳。