影片
更多
2021-10-20
20 瀏覽
雖係近排都有去試下未食過既餐廳，但真係好奈冇試過去食試業中既餐廳。今次約左朋友喺旺角東度等，行下行下行左去勝利道果邊，見到呢間試業中既日本野，睇落好似細細間得黎有d風格，所以就試下佢。入去坐低見餐廳係居酒屋咁既風格，同埋佢地既擺設同飾物都幾得意。除左有佢地餐廳名既旗布，每枱有蠟燭燈仔，連擺餐巾既座都係富士山型。既然係居酒屋，就前菜、串燒、小食咩都叫黎試下。先黎既係鯷魚醬配蔬菜條。用燭台仔暖住香草鯷魚醬，然後有青瓜，紅蘿蔔同蘿蔔條去沾。蔬菜條新鮮，鯷魚咸香濃郁得黎又唔會腥，可能因為暖住咁食。脆卜卜既蔬菜條沾上魚醬，係個幾得意同埋西式既前菜/沙律。跟住係我地叫既兩枝梳打。兩枝梳打係近期喺賣日式野既鋪頭會見到，個樽係懷舊設計又幾靚既果種。個樽已經靚，但餐廳俾既杯更加靚，除左有LED燈座做杯墊，杯底仲有富士山既圖案。梳打係綠茶同蘋果味，綠茶味有淡淡茶香，蘋果味就夠酸甜，兩枝都夠氣又解渴。跟住就係另一款前菜/沙律，蟹肉波波沙律。呢個前菜幾得意，蟹肉球唔細粒，用新鮮蟹肉。絲絲蟹肉鮮甜，配上又酸又香既柚子醋啫喱，個match做得唔錯，好開胃。跟住係火炙壽司，千府火炙盛盒。壽司有四款八件，鰈魚，三文魚
入去坐低見餐廳係居酒屋咁既風格，同埋佢地既擺設同飾物都幾得意。除左有佢地餐廳名既旗布，每枱有蠟燭燈仔，連擺餐巾既座都係富士山型。既然係居酒屋，就前菜、串燒、小食咩都叫黎試下。
先黎既係鯷魚醬配蔬菜條。
用燭台仔暖住香草鯷魚醬，然後有青瓜，紅蘿蔔同蘿蔔條去沾。蔬菜條新鮮，鯷魚咸香濃郁得黎又唔會腥，可能因為暖住咁食。脆卜卜既蔬菜條沾上魚醬，係個幾得意同埋西式既前菜/沙律。
跟住係我地叫既兩枝梳打。兩枝梳打係近期喺賣日式野既鋪頭會見到，個樽係懷舊設計又幾靚既果種。個樽已經靚，但餐廳俾既杯更加靚，除左有LED燈座做杯墊，杯底仲有富士山既圖案。梳打係綠茶同蘋果味，綠茶味有淡淡茶香，蘋果味就夠酸甜，兩枝都夠氣又解渴。
跟住就係另一款前菜/沙律，蟹肉波波沙律。呢個前菜幾得意，蟹肉球唔細粒，用新鮮蟹肉。絲絲蟹肉鮮甜，配上又酸又香既柚子醋啫喱，個match做得唔錯，好開胃。
跟住係火炙壽司，千府火炙盛盒。壽司有四款八件，鰈魚，三文魚，吞拿魚腩同帶子。帶子鮮甜、三文魚魚油豐富。鰈魚火炙完除左魚香四溢，仲有入口就溶化既感覺。吞拿魚腩火炙完，魚肉會結實d，不過就會多左炙香既味道。四款壽司都有佢獨特既調味，例如香草同辛辣等等。斟豉油果陣就發現除左杯有山既圖案，連豉油碟都有雪山同花既圖案，佢地既食具真係幾精緻。
跟住係明太子二重芝士玉子燒。玉子燒既size都幾大，而且熱辣辣。一督開佢，除左有蛋香，仲有聞到明太子既香味，然後一夾起就有拉絲。蛋甜甜地，明太子增添咸香同少少辣味。芝士除左拉絲，芝士味都比想像中濃。鐘意食芝士味同味道豐富d帶咸香既玉子燒既人，應該要叫黎試試佢。
食開明太子就唔好俾佢停，跟住係燒明太子手羽。呢個釀雞翼既明太子就勁過玉子燒既好多。就咁睇唔出，一咬就食到好勁既明太子味同粒粒魚卵。釀滿左明太子既雞翼外脆內軟，因為釀左好多明太子，個辣味強勁好多，又香又惹味，搞到我都想叫杯啤酒黎飲。
跟住係味噌脆皮豬大腸。日本人鐘意食內臟，除左內臟火鍋，就係會用味噌去煮去燒大腸。大腸喺甜口濃味味噌既調味之下，冇咩異味但又保留到內臟既香味。而且個脆皮確實做得唔錯，外脆內軟又有少少煙韌，唔抗拒食大腸既人可以試下。
接著上既燒鰻魚干係我覺得最有驚喜既一味。幼幼長長既魚乾睇落平平無奇，但係一咬落去就食到佢燒得酥脆得黎中間又有魚乾既咬口既口感。酥脆感同魚肉既口感平衡得岩岩好，甜甜得黎又有魚香。雖然係鰻魚，但冇鰻魚果陣泥腥味，連我唔食鰻魚既朋友都話好味。
松葉蟹味噌甲羅燒就喺居酒屋或者燒海鮮果d餐廳比較常見d既一道。蟹味噌咸香呢個係基本，配上蟹肉同魚籽仲有蔥花除左睇落靚d，仲令個口感豐富d同埋少d腥味。我食過既蟹味噌通常都係配多士粒或者梳打餅，呢度既係配烤得好香脆既闊魚條乾。好似d鱈魚片咁，但個香脆感又係做得好好，配蟹味噌都係唔錯。
食到呢個位其實都七七八八，但係都想飲番個熱湯，食番d烏冬收尾，所以就叫左鹿兒島和牛烏冬。雖然跟烏冬但牛肉既質量都冇馬虎。和牛七成熟，外面少少sear，入面少少粉紅色。和牛除左香牛味，腍身得黎又有咬口。湯底係鰹魚湯，就算飽飽地，飲下湯食舊牛啜兩啖烏冬，一陣就食哂。
最後係宇治抹茶十勝紅豆布丁。餐廳揀左靚抹茶粉去整個布丁，冇起粒之餘又好有抹茶味。足料既抹茶粉帶少少茶澀，但同甜味平衡得岩岩好。布丁好軟身，郁一郁個碟就會搖下搖下，我就食到好飽，但我朋友畢下畢下就放哂佢入甜品胃。
成餐食左咁多樣野，好滿足。無論壽司、串燒定沙律同其他小食都做得相當唔錯。一開始見佢試業中仲諗緊會唔會中伏，但最後係發現到勝利道呢邊除左近旺角東站就腳之外，仲有唔錯既餐廳。
張貼
