Prime Pho (已搬遷) 新店位置

今日見無落雨，所以去左呢間餐廳度排隊。12:50pm尼到，雖然前面有6組人，但又唔係等左好耐，大約1pm就入得。餐廳冷氣唔夠凍，加上行到去排緊隊時已經出晒汗，再食碗熱pho，真係熱上加熱。下次真係要天氣涼d先尼。我點左牛孖寶（揀左牛筋同生牛肉）$92 加蘿蔔 $10。呢間餐廳食過幾次，對上一次食已經係多過半年前。今次質素比以前差，生牛肉好肥，一片生牛肉，2/3片都係肥膏，而湯底亦過咸，好似好多味精咁。不過，雖然係差左，但都仲係幾好食，如果唔洗排隊，都可以一試。除左熱之外，餐廳環境都幾迫。D河粉有d會痴住一餅咁，硬嘅。