澳門丸記清湯腩王 (已搬遷) 新店位置

星期六上午返工，經常下午食完飯就行山，唔想咁飽住個肚行山，所以係咁二食啲嘢就算，石門站旁邊呢間麵店未試過，見叫得做澳門乜乜，諗住寫到明係過江龍喎，以為點都有啲保證啦，點知又伏左。叫左碗清湯腩麵，加凍檸茶，話晒由濠江過嚟，諗住會又腍又滑啦，50蚊一碗架嘛。點知，見到我碗麵只有五舊牛腩，有舊蘿蔔。麵同蘿蔔無意見，但牛腩就真係強差人意囉，似煲完湯啲湯渣，唔滑嘅，嚡十十，分量又少，收五十蚊，咁嘅質素我唔接受囉，一定無下次啦。