影片
更多
2017-08-03
5198 瀏覽
上司榮休攪歡送聚會，我負責訂食物，咁大重任，立即溫功課，俾我搵到呢一間。見地點近我中心，食評亦算正面，打去查詢服務亦好，立即電郵報價單俾我，好！就訂呢間！27人嘅聚會，我訂咗15盤食物，本來要$2,962，但NGO竟然有九折，折實$2666！仲唔需要我俾按金，貨到先俾現金或支票，真係好！食物準備送到，送貨哥哥亦有禮貌！盤盤食物熱辣辣，用錫紙盒封好，再整齊放入紙皮箱，連奉送嘅餐具同食物夾，乾淨企理，感覺加分！因聚會有其他環節，我哋喺一個半小時後先開餐，但每款食物仍能保存溫熱，份量亦十分之多，令我頃刻放下心頭大石！沙律賣相靚，雜果鮮甜美味，我食咗兩大碟！原來蒜蓉炒雜菜同焗芝士白汁雙花一樣，都係西蘭花&椰菜花！蔬菜種類選擇少咗，但兩盤啲花都好新鮮爽脆，軟硬適中！西蘭花顏色翠綠，十分美味！兩盤比較，我比較喜歡芝士焗雙花，味道層次更好！我食咗三大碟，第二日Lunch再食兩大碟！(事緣剩咗好多！)其他值得一讚仲有：白汁雞皇意粉、紅燒豆腐、牛油翠玉瓜雜菇等！拼盤好快清哂！同事話椒鹽鮮魷味道極佳！同香檸雞件都新鮮香脆！(我因為唔喜歡油炸食物，所以冇食！)唯一值得改善嘅係：菠蘿海鮮炒飯賣相麻麻，唔係我想
見地點近我中心，食評亦算正面，打去查詢服務亦好，立即電郵報價單俾我，好！就訂呢間！
27人嘅聚會，我訂咗15盤食物，本來要$2,962，但NGO竟然有九折，折實$2666！仲唔需要我俾按金，貨到先俾現金或支票，真係好！
食物準備送到，送貨哥哥亦有禮貌！盤盤食物熱辣辣，用錫紙盒封好，再整齊放入紙皮箱，連奉送嘅餐具同食物夾，乾淨企理，感覺加分！
因聚會有其他環節，我哋喺一個半小時後先開餐，但每款食物仍能保存溫熱，份量亦十分之多，令我頃刻放下心頭大石！
沙律賣相靚，雜果鮮甜美味，我食咗兩大碟！
原來蒜蓉炒雜菜同焗芝士白汁雙花一樣，都係西蘭花&椰菜花！蔬菜種類選擇少咗，但兩盤啲花都好新鮮爽脆，軟硬適中！西蘭花顏色翠綠，十分美味！兩盤比較，我比較喜歡芝士焗雙花，味道層次更好！我食咗三大碟，第二日Lunch再食兩大碟！(事緣剩咗好多！)
其他值得一讚仲有：白汁雞皇意粉、紅燒豆腐、牛油翠玉瓜雜菇等！拼盤好快清哂！同事話椒鹽鮮魷味道極佳！同香檸雞件都新鮮香脆！(我因為唔喜歡油炸食物，所以冇食！)
唯一值得改善嘅係：菠蘿海鮮炒飯賣相麻麻，唔係我想像中嘅海鮮！另外，食物夾十分鬆，好難夾起食物！
由於份量比想像中多(或者係我訂多咗！)，28人食，依然剩返好多，最後同事又食又拎後，第二日要繼續做lunch！
當日放工後，我有whatsapp讚老友記負責人林小姐，佢回覆我講多謝！
坦白講，事前籌備期間一直戰戰兢兢，驚訂錯食物就大煲粥！但最後能順利讓退休上司&同事享用一頓豐富美食兼有一個美好回憶，老友記～多謝你！
老友記到會～確實值得推介！我已推介俾細妹、同事&朋友！如果你願意信我！你應該唔會失望！
張貼
