影片
更多
2018-08-11
4704 瀏覽
同朋友去左葵芳行街街，行左一日唔想再掃街，所以轉戰去荃灣，決定坐定定食好西。月頭岩岩出完糧，梗係善待自己一下，所以就決定食豪d，去食放題，於是就黎左食呢間大井町日式放題。 呢間餐廳霸左一層，門面都幾大同光鮮，😎即刻覺得高級左。行完街又攰又熱，一坐低放低戰利品，就即刻9秒9去搵野飲！呢間餐廳有個專區係放飲料、水果、甜品、雪糕同雪糕。野飲櫃有十個雪櫃，咪話唔誇張，另外，值得一提嘅係，佢地仲好貼心咁有熱飲櫃！而想飲酒嘅人除左啤酒飲外，仲有日式酒任飲。今日男友唔係度，😂😂😂等就乖乖飲維他奶算。餐廳都幾多野食選擇，識簡一定係食貴價唔飽肚果d，咁先食得返條數。第一round，叫左d刺身同玉子試下個水準先，d甜蝦、三文魚、吞拿魚果d有幾新鮮鮮甜bor!可以大肆怒點。跟住我地就開始狂點壽司食，🤣，壽司飯細細舊，方便入口，而且無咁易飽，等我地呢d戰力薄弱嘅人可以食多d。呢度仲有火炙壽司食，☺️賣相都幾靚，而且都幾好食。姐好鐘意食反卷，最鐘意好多食材一次過放入口嘅滿足感。呢度款式都多，細細件，叫多幾件都唔怕。我地仲食左好多熟食，食左d牛柳粒、芝麻醬烏冬、雞串、炸物等，全部都有返一定水準嘅😋。去到最後，我地仲
月頭岩岩出完糧，梗係善待自己一下，所以就決定食豪d，去食放題，於是就黎左食呢間大井町日式放題。
呢間餐廳霸左一層，門面都幾大同光鮮，😎即刻覺得高級左。
行完街又攰又熱，一坐低放低戰利品，就即刻9秒9去搵野飲！呢間餐廳有個專區係放飲料、水果、甜品、雪糕同雪糕。野飲櫃有十個雪櫃，咪話唔誇張，另外，值得一提嘅係，佢地仲好貼心咁有熱飲櫃！而想飲酒嘅人除左啤酒飲外，仲有日式酒任飲。今日男友唔係度，😂😂😂等就乖乖飲維他奶算。
餐廳都幾多野食選擇，識簡一定係食貴價唔飽肚果d，咁先食得返條數。
第一round，叫左d刺身同玉子試下個水準先，d甜蝦、三文魚、吞拿魚果d有幾新鮮鮮甜bor!可以大肆怒點。
跟住我地就開始狂點壽司食，🤣，壽司飯細細舊，方便入口，而且無咁易飽，等我地呢d戰力薄弱嘅人可以食多d。
呢度仲有火炙壽司食，☺️賣相都幾靚，而且都幾好食。
姐好鐘意食反卷，最鐘意好多食材一次過放入口嘅滿足感。呢度款式都多，細細件，叫多幾件都唔怕。
我地仲食左好多熟食，食左d牛柳粒、芝麻醬烏冬、雞串、炸物等，全部都有返一定水準嘅😋。
去到最後，我地仲有movenpick 食，平時係街食一球都$30😂，即刻覺得抵哂。
呢間餐廳嘅服務員都幾快手，有禮，而且上菜快靚正，同最緊要準（😅有d會亂上菜），多數嘅放題都有限時🤣但呢間就無限時，我地吹水由7點坐到10點都無人趕我地走，都真係唔話得。
平日放題 $248，連加一服務費就$278，性價比非常高！
張貼
