SHAKE SHACK (國際金融中心商場)

營業中

休息中

被譽為紐約第一漢堡既shake shack，未開業果陣已經好想好想黎試，開業一個月後終於有機會食左。星期二晚七點黎到，雖然人龍都係好長但係都可以接受，排了約半個鐘就可以點餐，點餐後約三個字就有得食，作為熱門食店黎講時間可以接受首先係最多人推薦既stack shake，個包好厚身不過整體黎講唔算大。呢個包特別之處係有一塊炸蘑菇，入面是流心芝士，幾juicy都幾好食。同店名一樣的shake shack，我地怕食唔曬所以叫左single，不過原來個size同其他連鎖店既差唔多大。包是軟熟的，呢個其他地方比較少見，可惜d餡料搭配好普通。另外聽店員推薦飲左杯香港限定既milk tea shake， 飲落冇咩茶味，不過唔係唔好飲既。其實飲果陣一直覺得個味道好熟，但係諗唔起。過後回想起，覺得同某連鎖快餐既vanilla milk shake味道幾乎一樣但係呢度要42蚊..感覺好唔抵呢間嘢我真係食一次就夠，感覺好多香港漢堡包小店更好食呢。