影片
更多
2007-10-05
37 瀏覽
在香港打邊爐咁耐, 輝哥和名城(佢對面) 的肥牛質素最好, 其中輝哥又略高一籌。肥牛好味到入口即化, 好似在舌頭上化開, 問佢d 肉係邊度, 佢話經五豐行買, 山東有個牛場專門供貨畀佢. 生意人講既野, 真真假假都冇所謂, 好食到飛起就得. 問題係佢每碟的質素都有不同, 通常第一碟好掂, 肥牛脂肪分佈如同雪花, 但第二碟略差, 多數瘦d. 佢既講法係"瘦肥牛"肉味香d, 力sell 兩碟野係一樣, 雖然未必無道理, 但畀百幾蚊幾片牛肉, 當然有雪花比較化算. 幸好, 佢都明白自己賣緊乜價錢, 當佢拎左碟差既野過黎, 就要馬上表明立場, 佢次次都肯換. 初時睇到呢度咁多負面食評, 都有少少詑異, 睇完先知同價錢有關. 佢地價錢真係有d 過貪. 過去幾年大約幫襯左30-40 次, 每次都覺佢地訂價幾掠水, 肥牛做得好, 貴d 無問題, 但一碟菜、四寶丸、魚、魚滑, 味道、選料同稻香差不多, 根本做唔到優勢, 但價錢竟然貴幾倍. 就連配料、茶芥亦要賺到盡. 乜都要賺到盡, 搞到大家食得唔痛快, 何必. 不過, 灣仔店開張後, 見佢地生意一般, 最初去要訂位, 後來一去即入座, 三樓一層
問題係佢每碟的質素都有不同, 通常第一碟好掂, 肥牛脂肪分佈如同雪花, 但第二碟略差, 多數瘦d. 佢既講法係"瘦肥牛"肉味香d, 力sell 兩碟野係一樣, 雖然未必無道理, 但畀百幾蚊幾片牛肉, 當然有雪花比較化算. 幸好, 佢都明白自己賣緊乜價錢, 當佢拎左碟差既野過黎, 就要馬上表明立場, 佢次次都肯換.
初時睇到呢度咁多負面食評, 都有少少詑異, 睇完先知同價錢有關. 佢地價錢真係有d 過貪. 過去幾年大約幫襯左30-40 次, 每次都覺佢地訂價幾掠水, 肥牛做得好, 貴d 無問題, 但一碟菜、四寶丸、魚、魚滑, 味道、選料同稻香差不多, 根本做唔到優勢, 但價錢竟然貴幾倍. 就連配料、茶芥亦要賺到盡.
乜都要賺到盡, 搞到大家食得唔痛快, 何必.
不過, 灣仔店開張後, 見佢地生意一般, 最初去要訂位, 後來一去即入座, 三樓一層好似仲未開, 減價(亦即正常價) 指日何待.
張貼