上海婆婆336 (已結業)

去開九龍灣，商場之內，一般去食一啲連鎖的餐廳，期望都不太高，但原來即使做到咁多分店的上海婆婆，食物質素原來都真係有保證架喎。環境仲幾舒適食上海野當然要叫個小籠包，小籠包皮薄晶瑩，包裹着鮮美的豬肉餡料，經過高溫蒸煮，豬肉油脂同肉香滲出來，溶入湯汁之中， 一口咬落去，濃郁的湯汁首先湧出來，繼而在這口溫熱的湯汁之中可以繼續咀嚼豬肉同粉皮，一個小小的小籠包，其威力竟然如此大，當然進食時要注意溫度小心燙傷。北京炸醬麵又幾fancy 喎，欣賞佢的麵身幾軟滑，又幾香，炸醬夠稠，勁多肉碎，味道少甜夠惹味，份量都幾多，我兩個人食再叫餸食唔晒。韭黃炒鱔糊，個火候掌握得很好，煮得幾淋得來又有少少趙口，所以口感好好，本身鱔就係好香的魚，再加上濃郁的醬汁同重口味的韭黃，呢碟餸對味蕾有多重的刺激，送飯又正，送酒又正！樣樣都好似幾濃味的餸，來個甜甜酸酸的魚塊，幾開胃。