Doppio Caffé (已結業)

假期去咗呢間餐廳食早餐，其實呢間餐廳一直都要出去counter先可以落order，我就覺得好奇怪，明明有幾個waitress，但係都唔可以落order咩?好似今次得我一個食去落order，但我拎住袋野，咁我放低個袋，再出去落order，其實我覺得有啲唔方便。講到早餐，我叫咗一個all day breakfast 。第一，佢個薯餅真係好大陣雪味，同好易散。我係一個好鍾意食薯餅嘅人，但係佢嘅質素令我食完兩啖，已經冇食啦。另外佢個法式多士，勁油，冇厚度，係我食過咁多個之中最差一個。最後飲品方面，我其實係叫即磨咖啡，但佢最後俾咗即溶咖啡，我估計係雀x咖啡。我都算！但係唔知係咪溝水溝得多，還是咖啡份量太少，實在太淡味，我最後飲唔到一半，就已經冇飲了。呢一間餐廳之前我都有幫襯開下晝至到夜晚，質素都可以，但今次幫襯，大跌眼鏡。至於服務方面，我覺得佢哋可以再改善，尤其我WhatsApp錄音講緊嘢嘅時候， waitress 就唔好喺我隔離問我野，最好就係我做完嘢之後先至問我會比較好啲。