甜入心 (好運中心) (已結業)

喺沙田食完晚餐，又到食甜品時間～芒果仙草丸如果有朋友好鍾意食 d煙煙韌韌嘅野，呢款甜品就啱哂你！因為佢一次有晒小丸子，珍珠，芋圓，三樣都超Q彈有咬口！而配上香甜芒果，同芒果沙冰，超級清涼消暑！再加上仙草，同出面少有嘅咖啡方果，口感非常豐富～芒果小丸椰皇子呢款同上面嗰款差唔多，都有芒果，芒果沙冰，同埋小丸子～不過佢特別在於有椰皇果凍，食一啖已經覺得好驚喜，椰皇果凍有好濃郁嘅椰子水味，佢直頭似係將100%純椰子水凝固左做果凍，另外佢仲係用椰皇裝住 d甜品，食完 d甜品，仲可以刮埋d椰子肉出黎食，好滿足呀～