鮨㐂 (已結業)

上次石門Omakase lunch 幾好，所以今次進階殺入銅鑼灣食Omakase dinner。因為好多餐廳都滿座，呢間啱啱有人取消咗，所以可以book到。因為未食過 omakase dinner，所以都好期待。我們三個男人下午6:00準時去到，每人揀咗最貴嘅$23xx嘅套餐➕一支$720 sake，埋單$9xxx。但係我想講佢啲壽司真係好普通吓，除咗一款蝦加蛋黃醬嘅好食之外，其他嗰啲真係冇乜印象。最大問題係個負責整壽司嘅師傅，俾人感覺係好junior嗰種，佢助手就比佢更junior，佢扼壽司嘅手勢同對料理嘅用心真係令人感覺唔到佢有幾專業，用呢個價錢食呢啲咁嘅質素真係唔值。總之唔會有下次啦。