Burger Republic

營業中

休息中

早兩日同男朋友係pop corn揾野食，見到呢間可以收pop corn個現金券，我地手頭上又有兩張現金卷，所以決定試下。食之前無咩期待，所以一食就好有驚喜！我哋叫左兩個餐，一個classic 牛肉漢堡，一個係炸魚柳漢堡，兩個都配薯條汽水，其中一個薯條加配左黑松露芝士醬。兩個漢堡都好好食，足料，特別係魚柳漢堡，好大塊，外脆內軟，好出色，男朋友咬左一啖都話好正，係香港嚟講都算數一數二。仲有黑松露芝士醬都好好食，份量仲要超多，一份醬可以兩份薯條食！Total食左203蚊，扣埋現金券係103蚊，好抵，不過我地都話下次就算無現金券都會再嚟食！希望佢可以捱得過疾情。