元気寿司 (已結業)

前題：之前有兩次都係因為件筋子壽司肚疴（友人冇食，冇事，所以知道），疴幾日！大家小心本人本來係元氣擁躉，因為食材質素同價錢合理；不過食埋今次，以後真係會少啲幫襯，因為食材質素真係明顯低咗！例如叫咗件吞拿魚手卷，一咬，全部筋，退貨！三文魚子手卷（見圖），單睇外觀，就知師傅冇職業熱誠、手藝欠佳。左口魚裙邊壽司，肉質稔得古怪，超級腥。洋風蝦壽司，兩件蝦上面得兩三條洋蔥加一．塊．綠．葉．菜，唔該，就算「圖片只供參考」，都唔好咁大差別吖？難道店內嘅資深師傅冇品質監控嘅咩？海膽唔靚，灰黃色，溶溶哋，大家自行估下係乜嘢級數。最後，一個就咁倒出嚟嘅現成布甸都要等咗近 10 分鐘，催兩次先有！總結：disappointing！