Beerliner German Bar & Restaurant (朗豪坊) (已結業)

我哋叫咗個拼盤，入面有幾款野：有魷魚圈、煙三文魚泡芙、炸雞鎚，仲有個類似鹹牛肉咁嘅卷。個泡芙幾特別，因為通常都係食甜嘅；鹹牛肉卷呢就用一個類似酥皮嘅包住，幾好食；其他就正常啦。仲叫咗個炸豬手，配左酸菜同芝士薯蓉。豬手幾香脆，但有啲鞋，如果覺得太heavy可以陪啲酸菜食。仲叫咗個蘑菇意大利飯，呢個幾好食，好香菇味，煩嘅質感唔錯，值得推介。咁啱我哋撞正happy hour，叫酒類嘅飲品可以平啲，我哋叫咗啲cocktail就有少少伏啦，幾重藥水味。