香港華商銀行公會

營業中

休息中

餐前小食點了炸魷魚鬚，炸粉漿唔會好厚食到成口都係粉，證明師傅好有心機。訂位時預訂埋杏汁白肺湯，非常足料，睇吓碟湯渣就知道了，而且竟然仲有花膠喺入面，超正。另一樣預訂的是炸子雞，雞味濃，皮夠薄，炸得夠脆口，而且肉質夠晒鮮嫩。咕嚕肉夠脆口，而且難得唔肥，佢仲加埋酸薑落去食落又幾好味。鹹魚雞粒豆腐煲用黎餸飯一流，佢D鹹魚都幾香。金銀蛋浸時蔬我地就揀咗菠菜，有清新嘅菜味，另外佢D皮蛋粒都好食最後叫埋西米布甸做甜品，滿足的一餐。順帶一提，侍應個個都親切有禮，令人有一種賓至如歸嘅感覺。