影片
更多
2019-10-02
315 瀏覽
是咁的~呢間小店我同女朋友仔一直都想試好耐，但成日都冇去食，今次終於的起心肝試番次！支持下d小店！呢間鋪嘅位置唔算好方便不過都做左一段時間同埋聽講幾高質，今日大約一點黎到雖然店鋪唔大不過都只係等左一陣就入得！我就叫左呢到招牌之一嘅咖喱吉列豬扒飯（隔離枱遲我一張單已經被告知賣曬）咁加廿蚊跟餐就會有埋沙律同湯，沙律好正常胡麻醬份量亦落得啱啱好唔會太多太heavy沙律菜新鮮，整體係醒胃嘅！個湯就好正喇，係豚肉湯，味道非常濃郁！碗湯亦非常足料有好多餸喺入面！重點係有類似腩肉喺湯入面咬落充滿肉香口感軟腍！個湯係出色嘅！之後就講下個咖喱吉豬，一上枱梗係即刻試下個咖喱！係啱我嘅口味！咖喱有好多門淨係日式咖喱同東南亞咖喱已經好唔同，日式咖喱偏甜而且唔會辣，煮咖喱果陣亦會落洋蔥蘿蔔等唔同嘅配料去為咖喱調味而東南亞就主要用香料係調教味道，各有各好啦但我就鐘意日式咖喱多d呢到嘅咖喱亦好出色，喺濃郁嘅咖喱香味入面有輕微嘅甜味而且唔辣嘅咖喱更唔會影響到一陣嘅主角！主角當然係吉列豬扒啦！身為一個出名食吉豬嘅鋪，熱辣辣嘅吉豬一定係基本野當然佢都做到，雖然佢冇正宗食吉豬應該要有嘅椰菜絲同芝麻 不過佢都有豬扒汁預先淋好
呢間鋪嘅位置唔算好方便不過都做左一段時間同埋聽講幾高質，今日大約一點黎到雖然店鋪唔大不過都只係等左一陣就入得！
我就叫左呢到招牌之一嘅咖喱吉列豬扒飯（隔離枱遲我一張單已經被告知賣曬）咁加廿蚊跟餐就會有埋沙律同湯，沙律好正常胡麻醬份量亦落得啱啱好唔會太多太heavy沙律菜新鮮，整體係醒胃嘅！個湯就好正喇，係豚肉湯，味道非常濃郁！碗湯亦非常足料有好多餸喺入面！重點係有類似腩肉喺湯入面咬落充滿肉香口感軟腍！個湯係出色嘅！
之後就講下個咖喱吉豬，一上枱梗係即刻試下個咖喱！係啱我嘅口味！咖喱有好多門淨係日式咖喱同東南亞咖喱已經好唔同，日式咖喱偏甜而且唔會辣，煮咖喱果陣亦會落洋蔥蘿蔔等唔同嘅配料去為咖喱調味而東南亞就主要用香料係調教味道，各有各好啦但我就鐘意日式咖喱多d呢到嘅咖喱亦好出色，喺濃郁嘅咖喱香味入面有輕微嘅甜味而且唔辣嘅咖喱更唔會影響到一陣嘅主角！主角當然係吉列豬扒啦！身為一個出名食吉豬嘅鋪，熱辣辣嘅吉豬一定係基本野當然佢都做到，雖然佢冇正宗食吉豬應該要有嘅椰菜絲同芝麻 不過佢都有豬扒汁預先淋好左嘅而豬扒質量亦非常高！普通嘅吉列豬扒店好多時會用上肉眼位置嘅豬肉，雖然啖啖肉但容易柴口而且缺乏肉汁咁樣嘅吉豬就最難食不過冇計，成本平嘛但呢到嘅吉豬選嘅部位已經贏左人係用上梅頭豬扒位如果唔知呢個位有咩咁特別嘅可以去街市搵豬肉切割員叫佢切梅頭豬扒位置，切完睇下佢嘅紋路就知我以下講嘅野食吉列豬扒就一定要肥瘦適中，如果太瘦就好似頭先講嘅會好柴口好鞋咬唔開但相反如果太肥當然就會成口油啦一段做得比較正常嘅吉豬都會係有一邊成條特別肥但主要位置都係偏瘦，口感咁唔一致都係會影響整體感覺但梅頭豬扒，除左保留左一條肥肉喺上面，肉身位置會同肥肉融合，所以切豬肉果陣會見到有d白色紋理喺豬肉上面，呢d情況就會令成塊豬肉都平均地有油香咁樣食落個感覺就係最好除左部位之外呢到嘅吉豬食落係有肉汁而且腍度適中所以我諗佢呢到用嘅豬本身都唔係d咩巴西急凍豬雖然唔知會唔會係用到日本黑豚咁犀利但就算唔係佢至少都有本地新鮮豬嘅質素！正！而吉列嘅脆漿亦非常薄唔會成口粉，做到外脆內軟！配合埋佢嘅豬扒汁都另有一番風味！用料優質製作出色，呢碟咖喱吉豬好高分！
跟住女朋友仔就食呢個豚肉雜炊雜炊係日本非常地道嘅一種主食，簡單黎講就係用湯將蔬菜、肉類等其他配料煮熟再加入米飯煮，類似湯飯咁啦呢碟雜炊應該係用佢呢到果個湯（頭先飲果碗）黎煮熟d配料，入面有白蘿蔔椰菜豚肉生蛋雜菌等等，用料非常充足而頭先個湯已經講過好好味！用黎將d配料煮熟就令到d配料好好味，特別係香蘿蔔，本身用嘅白蘿蔔已經係清甜冇渣吸曬湯汁嘅精華更變得非常好食！湯入面嘅豚肉依舊出色唔洗講，真係好想知係黎自邊到嘅豬雜炊嘅特色就唔會好似粥咁，係仍然食到米飯粒粒分明嘅口感呢碗雜炊亦做得非常出色值得一試！
總括黎講，呢到食品選擇唔少，亦可能因為係自家經營嘅小店所以定價都唔會話好平而且假日仲有加一服務費，唔係食d咩特別野都要預人均一百蚊，不過質素的確非常出色！日式小台嘅用料同處理都咁好！絕對值得一試！
張貼
