水門雞飯 (百宜樓) (已結業)

行過教育路，見到有間水門雞，就試吓佢嘅飯啦～叫咗個雙拼水門雞飯，即係雞加炸雞，隨餐會有湯同飲品。湯有好重嘅胡椒味，而且好鹹，飲落似味精湯，所以飲咗幾啖都係不了。飲品就叫咗杯龍眼冰，幾好飲，入面亦都有幾多龍眼肉。雞嘅份量都好多，雖然雞並非雞脾肉，但係都滑，juicy，唔柴，唔會好肥，而且都有雞味。炸雞就一般啦，少少乾，而且得幾嚿仔咁。份量上略有不足啦。底下個飯都唔差，唔會好鹹。整體嚟講都唔錯，係高質嘅一個set。