博多拉麵別天神 (已結業)

響酷熱天氣警告之下，其實真係食咩都無胃口，時間到咗兩三點，始終都要搵少少嘢食，響人來人往嘅灣仔， 見到電車路旁邊有一間小店食日本拉麵，價錢唔貴，就入去試吓。店入面唔算多人，只有靠住廚房幾個吧枱位，可以清楚望到廚師一舉一動，感覺猶如置身日本街頭麵檔一樣，當然呢度有冷氣更勝一籌。呢度一拉麵加一小食只係＄110左右，灣仔午飯價錢來說絕對不貴，因為茶餐廳一個碟頭飯都可能已經＄6-70。餐前小食要咗小龍蝦沙律，十分開胃，小龍蝦清甜，沙律醬不會過多，有少少芥末味，旁邊仲有幾塊脆脆的紫菜，用來夾着小龍蝦沙律吃，食落感覺有層次。拉麵要咗豚骨湯拉麵，份量十分多，湯底濃郁，有少少漿嘴感覺，膠質好多，拉麵不算好彈牙，但糖心蛋好滑，蛋白外層用醬油醃過，鹹鹹地味道不錯。好快就食完呢一餐，整體感覺不錯，但又要開始辛勞一日。