奏海鮮火鍋 (已結業)

呢間位於尖沙咀的邊爐-奏這間餐廳幾新淨，亦有卡位可舒適坐。前菜-麻辣青瓜雲耳青瓜很爽脆、有陣陣蒜香，雲耳吃起也有一股辣勁，入口唔覺得好辣，但辣味會於幾秒後慢慢滲出，是屬於微辣，但唔食辣的，都要細嚼，食少少試下辣度受唔受得先。冰鎮鮑魚蘿蔔鮑魚好爽有趙勁，好入味。蘿蔔好特別，juicy好甜，充滿鮑魚的味。打邊爐湯底內有蟹、蘿蔔、海參、蜆、蟹柳條及豆腐。湯底有好香的胡椒味，好清甜同清香。牛星拱照有牛白玉、金錢𦟌、牛舌、頂級安格斯肥牛、骰仔牛柳粒、本地手切牛。牛胸肉又名牛白肉，接近胸骨的軟骨位，灼至卷曲，入口爽脆帶脂肪味。骰仔牛柳粒就算烚耐左都唔好韌，因為內裡脂肪同肉的比例好好，有牛味，可再叫。頂級安格斯肥牛口感細緻有牛味，脂肪較多所以入口好滑身。牛舌爽口有濃濃的牛味，不膩口，可以食多幾塊都得。