School Food (已結業)

School food真係幾時都咁好食，成日同男朋友諗唔到食咩就會去左呢度食，佢既飯卷隻隻都好有水準，平時我都唔鐘意食飯，不過食佢既飯卷我又ok，岩岩放完工兩個諗唔到食咩又去左喇。唔知點解梗係覺得食飯卷又有味，但都會健康d，可能均衡飲食掛。今次叫左校園花卷，之前食開魷魚卷、午餐肉卷，見佢有新野就試下，佢入面既牛肉同芝士真係好好味，牛肉炒得好香，入口又唔乾，外面層蛋又夠滑，我覺得好似食蛋包飯咁。之後仲叫左個脆味樂園，話就話想健康點，不過見隔離枱個碟幾靚，所以都係叫左。好好食呀又炸得好香，估唔到呢間韓國野整呢啲都幾有水準。