影片
更多
2010-03-10
35 瀏覽
今晚6:30由尖沙咀天星碼頭開始---食丫----XTC→Kraze Burger→炒麵麵包MOKIKO→串爆酸辣粉→日出茶太第二站"Kraze Burger "由海旁行到i Square.這商場唔係咁好行,地方比較窄,幾間舖就一層,加上商店未開齊,行電梯的時間多過行舖頭.上到6樓,係食野嘅地方,見Kraze Burger 外型討好,加上黑板寫住有7折,咁就鐘左入去環境好清潔舒服,加上冇乜客人,所以都好好坐.漢堡包貴就預左,但冇餐叫,單要氣水就盛惠$25,真係叫唔出口.好采有清水無限供應,另外薯條都要$28,但我見有個三十幾蚊係寫住Chili Cheese,心想比多少少都叫做有點特色,好過廿八蚊食淨薯條丫!薯不知個伙記話三十幾蚊果個只係醬汁不跟薯條,唔係呀化!三十幾蚊得個汁?咁....淨薯條啦唔該!Chili burger--->心想$68一個包應該有番咁上下份量,唉!唔黎食過都唔知原來我有妄想症,大嘅只係隻碟.個漢堡味道唔錯,不過牛肉較為鬆散,個名寫chili但一d都唔辣,最失敗係件包皮,全無彈性又唔鬆軟又冇烘過,唔暖嘅.d包唔靚就拿拿聲轉用嘉頓啦!漢堡除了餡靚,個包都好重要
XTC→Kraze Burger→炒麵麵包MOKIKO→串爆酸辣粉→日出茶太
第二站
"Kraze Burger "
由海旁行到i Square.這商場唔係咁好行,地方比較窄,幾間舖就一層,加上商店未開齊,行電梯的時間多過行舖頭.
上到6樓,係食野嘅地方,見Kraze Burger 外型討好,加上黑板寫住有7折,咁就鐘左入去
環境好清潔舒服,加上冇乜客人,所以都好好坐.
漢堡包貴就預左,但冇餐叫,單要氣水就盛惠$25,真係叫唔出口.好采有清水無限供應,另外薯條都要$28,但我見有個三十幾蚊係寫住Chili Cheese,心想比多少少都叫做有點特色,好過廿八蚊食淨薯條丫!薯不知個伙記話三十幾蚊果個只係醬汁不跟薯條,唔係呀化!三十幾蚊得個汁?咁....淨薯條啦唔該!
Chili burger--->心想$68一個包應該有番咁上下份量,唉!唔黎食過都唔知原來我有妄想症,大嘅只係隻碟.個漢堡味道唔錯,不過牛肉較為鬆散,個名寫chili但一d都唔辣,最失敗係件包皮,全無彈性又唔鬆軟又冇烘過,唔暖嘅.d包唔靚就拿拿聲轉用嘉頓啦!漢堡除了餡靚,個包都好重要架,便何況賣幾十蚊一個.
淨薯條--->同扒餐跟薯菜的薯條差不多,而且好碎,可能咁啱我果碟特別多頭頭尾尾.不過成$28,食至尊漢堡餐好過.
好采有7折,如果唔係都要成舊水埋單,不過食左六十幾蚊,好似無食過咁,好野!一定好受女仕歡迎.
至於服務我又唔覺好差,佢都只係一間貴價快餐店姐,你想快餐店有咩服務呢?
張貼
