隆記茶室 (已結業)

茶餐廳,冰室雖然成日都食, 但其實個質量都幾參差, 反而喺北角我食到一間真係好食嘅冰室, 特別係佢嗰個黃金炒蛋多士, 佢入面係有鹹蛋黃, 炒蛋炒得剛剛熟,好滑,仲有蛋汁流出嚟, 佢嘅多士都烤得好香, 甜甜地脆脆地好好食。佢嘅咖哩牛腩飯咖哩好濃郁， 仲有好多牛腩， 一半筋一半腩， 加上薯仔又炆得好淋， 我覺得好食過啲連鎖茶餐廳。仲有我最鍾意食嘅雞翼， 佢po咗啲柚子密汁， 甜甜地酸酸地好開胃。個伊麵熱辣辣， 再加埋啲黑松露好惹味。個蒜蓉西蘭花都好好食， 分量又夠大碟 ， 又多蒜蓉， 唔似其他餐廳煮到一啲蒜蓉味都冇。好立克紅豆沙冰， 好新鮮嘅配搭， 但個味又出奇地夾。