春水堂 (東薈城名店倉)

營業中

休息中

春水堂——可以話係珍珠奶茶始祖，佢地至上年開始開展香港的市場，令不少「珍奶迷」都慕名前往。望穿秋水，終於今日小篇行下東涌，順便下春水堂在東涌的人文茶館開業，去到餐廳，可能因為疫情關係，唔洗話等好耐，入座後，見餐牌上有過百款台式食品及飲品，選擇都幾多。但入得嚟第一次，當然要試下呢度d出名嘢食，同飲品啦。就叫左一款飲品同3款食物。飲品就叫左珍珠鐵觀音奶茶，它被譽為珍珠奶茶的始祖，來到春水堂當然要試吓。佢地比其他人不同嘅係用鐵觀音來沖奶茶而唔係普通紅茶。茶味更出，更濃又香醇，而珍珠煙韌度適中，唔會勁甜，的確不錯食物就咗黃金香酥雞，御品三寶牛肉麵同埋呢度著名嘅魯肉飯。鹽酥雞是必食嘅街頭小食，呢度嘅雞件炸得鬆脆Juicy，椒鹽味十足。吃上嚟唔會好乾。而牛肉麵有牛腱、牛肚，牛筋，材料十足。而湯嘅味道鮮香，麵都做到彈牙，而牛配料都滷得相當入味。質素不錯。而佢地另一名物係小小的的魯肉飯，五花肉切成條狀，做法正宗。魯肉香甜，口感鬆化，配上精緻的的台灣珍珠米飯。雖然細細碗但係絕對係手工之作。一人一碗啱啱好。所以行完街喺東涌行到攰攰地，又想食啲嘢我哋呢度係個唔錯嘅選擇，絕對值得推薦。食完好有台灣的感覺。