星巴克咖啡 (已結業)

位於中環呢間Starbucks係打卡熱點。原因係佢行懷舊路線。裝修到香港舊式冰室一樣，有種時光倒流嘅感覺，彷彿入到去會見到奇哥寶珠姐喺入面談緊心。除左裝修行懷舊風，食物都有別於一般starbucks,推出左一系列懷舊食物，襯番個環境。當然佢都有一般starbucks嘅飲品同食物。黎得呢度，本著一試無防嘅心態，試下佢啲特色野。菠蘿油：牛油夠厚身，菠蘿包唔係新鮮出爐，只係翻叮，菠蘿皮已經唔脆。椰汁紅豆芭菲：上層好厚身嘅cream，見到有一點卻步。中間有個雪糕，紅豆糕同紅豆粒，下層嘅就係芭菲。成杯都只係食到甜味。黎呢度都係想感受下個環境，食物都係其次，唔強求。又或者揀番平時starbucks食開嘅野，味道會有保證啲。