貴族甜品 (元州街)

營業中

休息中

不論何時何地，女仔總有第二個胃留俾甜品。呢日同朋友食完晚飯, 就去咗附近嘅甜品店繼續girls’ talk。餐廳面積唔大, 座位比較狹窄, 尤其天氣凍每位客人都着大褸, 就有少少唔夠位置放嘢。諗住食啲熱嘢暖下肚, 點知店員話日本紅豆豆腐花只有凍食(由此證明貴族甜品的豆腐花不是即叫即撞), 唯有點北海道牛奶燉蛋白加紅豆 。第一次食呢個combination, 冇諗過紅豆同燉蛋白咁夾。紅豆大粒份量多, 且甜度適中。比較下燉蛋白就比較遜色, 雖然表面光滑, 沒有過火, 但奶味唔算濃郁。整體嚟講, 甜品屬中上水平, 但再特意光顧的機會唔大, 都係留番啲quota俾其他美食啦!