影片
更多
2024-08-18
117 瀏覽
上網見到餐廳這個特別套餐，特價$498，非常抵食，值得一試！餐廳走關西風壽喜燒，肉同蔬菜係專人一道一道煮熟，唔會一煲過，連醬汁甜鹹度都可以控制（講真壽喜燒有時候真係太甜）非常專業細心！前菜磯煮鮑魚，彈牙又夠入味。水雲入口酸甜又開胃及健康。蟹膏豆腐，蟹味清甜，一點都唔腥。有馬山椒穴子茶壺蒸，山椒味道好清香配埋穴子嘅鮮味，加上蛋面上嘅高湯，又香又滑好出色！A4壽喜燒和牛肉眼，剛7成熟，加埋個雞蛋又香又滑，牛肉入口充滿油香，口感勁嫩滑！A4壽喜燒牛西冷伴東菇黃芽白，肉味更香濃，一樣可以伴旁邊嘅蛋或白飯，減低油膩感。日本黑豚西冷，伴豆腐，日本春菊(皇帝菜)，青蘋果，金菇，芋絲及日本蘿蔔，全部蔬菜由師父細心慢火煮熟，吸收了醬汁精華，入口又濃又香。烏冬，吸收晒剩餘的肉汁，冇配菜依然好好味！舞茸清湯，食完咁多肉都需要清一清個喉嚨。甜品雪糕同哈密瓜。唔夠食（其實都好飽）個套餐可以加錢升級刺身，三文魚籽，或追加牛舌，惠比壽雞腿肉或牛小排，整體食材質素高，價錢實惠！
前菜磯煮鮑魚，彈牙又夠入味。水雲入口酸甜又開胃及健康。蟹膏豆腐，蟹味清甜，一點都唔腥。
有馬山椒穴子茶壺蒸，山椒味道好清香配埋穴子嘅鮮味，加上蛋面上嘅高湯，又香又滑好出色！
A4壽喜燒和牛肉眼，剛7成熟，加埋個雞蛋又香又滑，牛肉入口充滿油香，口感勁嫩滑！
A4壽喜燒牛西冷伴東菇黃芽白，肉味更香濃，一樣可以伴旁邊嘅蛋或白飯，減低油膩感。
日本黑豚西冷，伴豆腐，日本春菊(皇帝菜)，青蘋果，金菇，芋絲及日本蘿蔔，全部蔬菜由師父細心慢火煮熟，吸收了醬汁精華，入口又濃又香。
烏冬，吸收晒剩餘的肉汁，冇配菜依然好好味！
舞茸清湯，食完咁多肉都需要清一清個喉嚨。
甜品雪糕同哈密瓜。唔夠食（其實都好飽）個套餐可以加錢升級刺身，三文魚籽，或追加牛舌，惠比壽雞腿肉或牛小排，整體食材質素高，價錢實惠！
張貼
