合利芳坊小菜館

營業中

休息中

推介豬骨煲嘅店舖唔多，一於黎試下。豬骨花甲煲侍應提醒豬骨煲煲滾後，先喝兩口湯，湯果然特別清甜，夠曬味，我都先飲2碗，正。價錢唔特別貴，但材料足，有五至六舊大豬骨，豬肉唔算多，但骨嘅邊緣痴左唔少滑嘟嘟肉同膠原，唔錯。另外仲有飲管提供，可吸吮骨筒內嘅骨髓精華。其他材料仲有豬肚，豬粉腸，大大件冬瓜，今日花甲缺貨，改為比較大隻嘅蜆，一樣肥美肉大。食完豬骨煲，可以加湯打邊爐，order左生菜，烏冬。特別推介墨魚頭，超爽口彈牙。另外可以食小菜，椒鹽魷魚鬚，白灼牛栢葉，味道還可以，如果份量再多啲就更好。