影片
更多
2021-08-09
58 瀏覽
大角咀好唔就腳😫，但唔知點解佢係九龍區其中一個美食集中地，星期六我同朋友專登去咗嗰度幫襯良心小店💛「Homeland」。我知佢大埔都有店，但距離我更遠吧。餐廳週末都有提供午市套餐，主食選擇有成十七款，當中有三款仲係生酮料理添。午餐定價由$78至$148不等，但其實大部份都係$88或者$98，我認為性價比高啊👍。午市有加配小食嘅選項，但睇完一輪感覺都係Pizza吸引啲，所以最終嗌咗三個午餐🤣✌🏻。佢每樣份量都多，我哋咁大食都近乎食唔哂。肉醬芝士四重奏薄餅($98)，🍕薄餅造型幾有心思喎，偏白色嘅芝士上面放咗粒車厘茄🍅，每片中間就好似有個鹹蛋黃太陽咁。薄餅皮無想像中咁薄，反而覺得成件重疊疊，因為啲肉醬多到一個點，正啊！肉醬味道濃郁，同芝士簡直係絕配。雖然我食唔出四隻芝士🧀，但拉絲效果明顯，鹹香十足。第一次食肉醬口味嘅薄餅，估唔到都幾夾，全程不斷令我聯想起肉醬意粉呢。牛油果煙三文魚闊條麵($98)，見餐牌寫明手工意粉係每日新鮮製造，令到我好有期望😜。闊條麵望落平平無奇，但一咬就發覺堅係自家製。麵條偏厚身，口感非常爽彈，我並無喺其他地方食過類似嘅味道，令人印象深刻。我認為佢比起所謂意大利專門店
大角咀好唔就腳😫，但唔知點解佢係九龍區其中一個美食集中地，星期六我同朋友專登去咗嗰度幫襯良心小店💛「Homeland」。我知佢大埔都有店，但距離我更遠吧。
餐廳週末都有提供午市套餐，主食選擇有成十七款，當中有三款仲係生酮料理添。午餐定價由$78至$148不等，但其實大部份都係$88或者$98，我認為性價比高啊👍。
午市有加配小食嘅選項，但睇完一輪感覺都係Pizza吸引啲，所以最終嗌咗三個午餐🤣✌🏻。佢每樣份量都多，我哋咁大食都近乎食唔哂。
肉醬芝士四重奏薄餅
$98
13 瀏覽
0 讚好
0 留言
肉醬芝士四重奏薄餅($98)，🍕薄餅造型幾有心思喎，偏白色嘅芝士上面放咗粒車厘茄🍅，每片中間就好似有個鹹蛋黃太陽咁。薄餅皮無想像中咁薄，反而覺得成件重疊疊，因為啲肉醬多到一個點，正啊！肉醬味道濃郁，同芝士簡直係絕配。雖然我食唔出四隻芝士🧀，但拉絲效果明顯，鹹香十足。第一次食肉醬口味嘅薄餅，估唔到都幾夾，全程不斷令我聯想起肉醬意粉呢。
牛油果煙三文魚闊條麵
$98
26 瀏覽
0 讚好
0 留言
牛油果煙三文魚闊條麵($98)，見餐牌寫明手工意粉係每日新鮮製造，令到我好有期望😜。闊條麵望落平平無奇，但一咬就發覺堅係自家製。麵條偏厚身，口感非常爽彈，我並無喺其他地方食過類似嘅味道，令人印象深刻。我認為佢比起所謂意大利專門店P字頭嘅出品還要出色🍝。煙三文魚砌成一朵玫瑰花，有三大片，份量唔孤寒。最後不得不提牛油果🥑，果肉夠熟，所以好軟。
慢煮豬肩椰菜花飯
$108
19 瀏覽
0 讚好
0 留言
慢煮豬肩椰菜花飯($108)，呢個係生酮料理，即係碳水化合物含量極低嘅菜式。🥦椰菜花打到勁細勁碎，真係好似飯粒，由於密度高，掛汁效果一流。芝士滲透喺每一粒菜花入面，食落好Juicy。🐷豬肩肉集中放喺中間，有好多片，味道都OK，有少少肥，所以感覺有啲似豬頸肉。佢令到呢道健康菜式口味無咁寡。
午餐跟田園沙律🥗，大碟嘅，但味道無乜特別，個汁係用上黑醋汁。如果將沙律換成湯，我會開心啲，哈哈。
飲品方面，跟餐飲品大大杯🍹，選擇有茶、咖啡、汽水同橙汁等。食完三個餐，再飲埋咁大杯嘢，想唔飽都幾難😅。
總括嚟講，呢間小店嘅食物質素令人滿意，價錢貼地，出品高水準😋。同時，餐廳嘅裝修唔錯㗎，餐枱以至餐具都係色彩繽紛🌈。如果想支持撐香港人嘅小店，不妨考慮Homeland啊🇭🇰。
張貼
