小金井日本料理 (已結業)

今日好唔開心, 好朋友特登過黎請我食飯, 諗住請我食餐好嘅, 去咗間上次同另一個朋友都有投訴果間日本野度食(果2位朋友做海鮮嘅, 我都食咗有問題, 小金井死都話無問題, 算啦, 都無諗住出report), 點知.....今日去到, 喺門口已經俾佢啲知客點, 明明入面有位, 都要等佢安排, 2位咋噃, 算....叫咗2個定食, 另外叫咗一客蝦卷(落單果個死都要更正我老友係海老卷@_@), 咁正宗？駛唔駛用日文落柯打啊？都算啦！定食無咩特別, 最特別係食完晒想走都唔黎個海老卷, 以為佢漏咗單, 都成個鐘頭啦, 通常啲食肆一催佢就會話黎緊。到我叫埋單走啦, 佢就即刻黎, 我話以為佢漏咗單, 都唔要啦, 取消啦！佢就話唔改得, 隻蝦都整咗。話佢地無問題喎, 我可以報警喎！>_<真係越食越唔開心呀！唔通佢整2個鐘, 我都要俾錢？有邊個食晏可以食超過一個鐘呀？仲有我左右2檯遲過我黎都已經到咗啲定食同食緊啦！我地叫果個海老卷都貴過人地啲定食啦, 點解要上晒人地啲定食先上我啲海老卷？方便整？真係谷氣, 唔講唔得, 如果唔係下次再去(因為佢好近我公司), 又失禮人同受氣！