小金井日本料理 (已結業)

今日行行下比我見到呢間隱世日本料理餐廳，見餓咪入去，坐低叫左個親子丼，$42咋，本來都冇咩期望，但係見到碗野，真係靚到嘩一聲，完全係好過D咩咩板X大型連鎖店。見到個賣相咁靚我已經收貨，仲要有咁多三文魚，真係好正。所以真係話，要多多支持呢D隱世小店，起碼真係用心去整。我一定會再去支持！

午市我本來想嗌$28蚊日式叉燒拉麵(冇壽司)佢嗡一大堆浪話之後要我嗌50蚊(加壽司，可以轉湯底)真係好過份!我朋友叫咗一個照燒雞扒飯，等咗成50分鐘！超差別去！

今日去食晚餐，叫左個二人套餐，主菜係牛扒，後來侍應講無入貨，後來想改豬扒，都係講無既，建議可改牛俐，我心諗餐牌上既二人餐同四人餐都係用牛扒做主菜的，真的唔明點解還要比個套餐牌比人點菜！落單都一肚氣，等食更不知所謂，足足等左四十五分鐘先有前菜（沙律）到！其餘的都要等足一個鐘，在過程中，我眼見又唔多人，最大原因既係等埋隔離枱一齊整！！侍應又無笑容，動作散慢！

今日同同事去食日本野,平時呢間餐廳下午都會有一個特價餐,今日係明石燒,我地問侍應即係咩?佢就話即係有舊石,你擺D肉係上面燒咁,我地覺得幾得意就每人叫左一個~一上到黎,個個都嘩左一聲,因為...好大碟肉@@應該都係豬肉之後爐都黎埋就開始食,真係好多肉...我地都覺得其實一個餐三個人SHARE都夠....因為真係好多肉,而且每塊肉都好多脂肪,燒到好多油出黎,食完真係好濟...平時其他特價餐都好抵GA,三十蚊都有交易,今日呢個食到反艇都係45蚊JA~!

今日經長沙灣深水埗個頭，諗起有間長久屹立不倒的小金井，咁就捉左男朋友一齊食。小金井既午市套餐係五十幾去七十幾都有，的叫左壽司定食，男友叫左豬排拉麵，前菜係醃芽菜，彈牙爽口，醃得好入味，跟餐配日式手打烏冬，烏冬滑身，質素好好，配上十分淡口既面湯，加上紫菜絲，突出左烏冬既美味。主食壽司有蟹柳小卷、三文魚、熟蝦、帶子、玉子、北寄貝、油甘魚。油甘魚油香重、帶子味濃唔錯、玉子甜味突出，其他ok，紫菜微脆身，不過飯包得較實同硬，可以落少點份量既醋。男友叫既豬排拉麵勁大碗，佢話都ok。食物唔算突出，不過呢間小金井性價比高，相對低廉既價錢，食到份量多的一餐。

八個人來食lunch, 被安排坐一間廂房, 但係入面好熱, 冷氣唔夠, 食到一額汗。先講食物, 今次叫左一客餃子拉麵, 質素算係過得去、對得起價格。基本0既紫菜、粟米、雞蛋、一片嗚門卷形0既魚蛋都有齊。當然呢間係街坊鋪, 我對食物要求都唔會高, 蛋黃全熟0既雞蛋我接受。主角餃子係無煎過炸過, 直接煮熟, 層皮其實幾易爛, 不過勝在餡料夠味, 我都接受。湯底, 拉麵同出面幾十蚊貨色相若, 所以食物質素都係可以接受。但係鋪頭0既侍應態度就令我汗顏喇!我地一點幾入到去, 三四個字後其中四個人就有0野食,其餘四人點0左0既食物, 等0左半個鐘都未到, 之後其中一人出去問侍應過多兩個字都仲未有0野食0黎!最後未有0野食0既四個人因為趕住返工走0左, 然後一個侍應好緊張入0黎,點返有乜0野食物0黎左,但過程中一句「唔好意思」都無講過!之後另一個侍應直接拎張單入0黎,叫我0地埋單,但依然無講過一句「唔好意思」!八個人0既0野食你竟然漏0左四份,竟然連表示一0的歉意都無,係咪你0地午市生意太好,已經唔憂做呢?

前幾日同屋企人黎用膳，幫襯左好多年，小金井依然仲係到，依間日本料理店充滿左好多童年回憶，所以不得不黎支持一下～相信好多深水埗街坊都幫襯過內裡環境好大，而且有好多間獨立房，岩晒一家大細聚會，而且依間裝修過後更加有日式食店既味道晚市有最多人嗌既定食，份量夠多之餘仲可以一齊分享而我就見有新出既定食所以揀左依個成為今晚既晚餐金菇牛柳卷定食定食好多配菜配料，夠晒二人份食，味道方面炒雜菜炒得比較油膩，荳牙數量唔太多，味道咸咸味，三文魚壽司偏暖，冇上次黎咁好食，土佐豆腐外層鬆脆，食落唔會覺得油，唯一既唔好處係咬左一啖之後，外皮同豆腐會分開左，痴得唔夠食金菇牛柳卷都痴得好實，唔會好易散開，醬汁比較咸，但加埋飯一齊食就岩岩好，份量都幾夠，值得一試

今日去開長沙灣做野，係條街又熱又悶時，諗緊食咩好嘅時候，附近就出現咗一間小金井。係門口望過下個MEUN都OK，所以就行咗入去。一入門口就已經有個姐姐好熱情咁問我幾多位，之後佢招呼我坐低又好快咁俾咗個MENU我。午市套餐有20幾款的選擇，都算多！有刺身定食、拉麵同其他定食。最後我叫咗豕肉生薑燒定食。豕肉嘅份量都算幾多，唔係只得幾片嗰隻！豕肉仲有洋蔥同椰菜一齊炒，旁邊仲有炒什菜！豕肉係半肥瘦，所以食落都幾肥美！而且用咗甜嘅醬油加上洋蔥同椰菜一齊炒，所以食落甜甜地，幾好味！不過唯一不足就係冇跟餐飲，雖然餐廳有茶供應，但一個LUNCH SET都$50，如果可以跟餐飲就最好啦！

二人去晚膳，選了日本叉燒餃子拉麵 + 汁燒雞扒定食：套餐包括：前菜，三文魚壽司，土佐豆腐，御飯一碗。以濃濃的綠茶粉沖製，很香的綠茶味，趁熱飲更佳！很傳統的日式麵豉湯，鹹淡度適中。三文魚不夠新鮮，壽司上枱時，溫度跟室溫一樣。很足料，叉燒兩大塊，半肥瘦，肉質美味，餃子皮薄餡靚。麵質爽口彈牙，豬骨湯底淆得不錯！雞扒香脆可口，皮薄，油少，肉質鮮嫩。土佐豆腐，炸得好香，但太油膩！賣相佳，三文魚醃得入味，吸油紙減少油膩感，要慢慢咀嚼，三文魚內，有些少碎骨。

是晚來到小金井，已經八時許，眼見店內還有大量空桌，可謂生意難做也！與另一半二話不說，點了這個晚市套餐：雜錦刺身刺身雖不是什麼上等貨色，入口尚算新鮮！法國鐵板鵝肝鐵板鵝肝？何來鐵板之有？只是鵝肝放在多士之上罷了！鵝肝入口油腴甘香，但略嫌煎得不夠燶，多士微烘鬆脆，不錯！帆立貝北海燒帶子切粒，與金菇、芝士和蛋黃醬連殼烘至金黃。帶子彈牙，芝士味道沒有蓋過蛋黃醬，味道香濃！吉列廣島蠔蠔身連漿粉炸至金黃，酥脆燙口，惹味！鹽燒牛油老虎中蝦中蝦size太細，入口感覺不像鹽燒，很油膩。而且蝦身不夠爽口，較霉口！鐵板炒雜菜味道中規中矩，沒有亮點！雜錦炒飯飯粒分明而且份量多，但略嫌味道較淡！整體而言，本人認為以這樣的價錢，在這一區可以吃到更好的食材～

之前成日去將軍澳分店食，執左之後轉去深水步。服務 :態度一般，間唔中又換D侍應。食物 :**雜錦壽司定食($52)**烏冬 - 扁身烏冬好小食，食落麻麻...質感好粗好"鞋"~~三文魚壽司 - 切到好薄身，口感麻麻，但都新鮮~~八爪魚壽司 - 一般級數，un un地! ~~北寄貝壽司 - 普普通通，ok~~玉子壽司 - 唔係好甜個隻，唔多like~~蟹柳壽司 - 普通野，吾好祈望咁高~~三文魚小卷 - 一般級數，ok~~麵豉湯 - 算ok! 唔太咸! ~~**吉列豬扒定食($42)**吉列豬扒 - 都幾脆口冇油，但厚身左d, 豬扒肉汁小，比較"鞋"~~**蟹柳壽司($6)、可樂汽水($5)**總結:日本野食來講算接受到~~牛肉火鍋會好依d~~

聽日係我老公既生日,,而佢又好鐘意食壽司&刺身既...所以咪唸住買個壽司蛋糕比佢囉....前晚就開始上網揾啲資料啦...好揾唔揾...揾到間亂甘黎做壽司蛋糕既铺頭...入到去得小貓三四隻...可能時閒還早啦..六点左右...跟住我就選了一個$138既壽司蛋糕...(因無相睇既關糸)..我就問個女店員請問個蛋糕有幾大個架四人份量OK嗎?..佢就指出同抬既白諜差唔多足夠二至六人份量..十五分鐘過後...我一見個蛋糕我真係嚇一跳囉~直頭睇到都唔想食啊.....跟本上仲差過係出面買既雜錦刺身飯....佢話就話二至六人份量....一定無囉..一位小朋友既份量就差唔多.............難為個女店員仲話....嘩今次大過隻碟小小啊....我自己整都一定整得靚過你班所謂師傅囉~! 仲有...攞過蓋唔實既透明盒倒啲豉油比我.......最终咪倒哂囉$138外賣自取仲要加－ =$152....(真係唔明外賣自取点解要加一囉).....................錢都係其次...搞到我趕頭趕命揾過一個特别既蛋糕!

wow, 情人節都是去了長沙灣吃dinner兩個人吃算很便宜... 而且吃得很飽, 味道也不太差~精選雜錦刺身盛, 都幾好味, 係唯獨吞拿魚唔夠新鮮~鐵板雜錦炒飯, 還可以, 一般炒飯, 沒什麼特別~鐵板巴西牛舌, 味道不錯, 但本人不太喜歡吃這部位加拿大帆立貝黃金燒, 味道不錯鐵板炒本地雜菜, 炒得很香口, 不錯法國鐵板鵝肝, 今次油比較多了一點, 但是味道依然在, 不錯~沙巴鹽燒牛油老虎蝦, 蝦還可以啦美國香脆一口雞, 沒什麼特別的炸物, 也吃不出有雞味~總括來說, 價錢相宜, 味道不錯~不彷節日來一試~

之前睇完醫生食咗d藥,朋友來探病,就找咗間佢想食而我又啱食的店食晚餐,見佢d晚餐定身要6點先開始,而家5點25分就打算入去坐吓先,入到去得一個學生哥響度食,侍應就帶咗我地去窗口位,咁就睇吓餐牌打發時間,睇睇下發現午餐係做到6點的,就問一下係唔係有午餐,結果真係有(有唔主動出聲話有,又要另外比紙我地填),我就揀咗個拉麵套餐,而朋友怕午餐食唔飽就等6點食定食,就我先落單,我就要日本叉燒拉麵豬骨湯底加5蚊有汽水再加4蚊要咗北寄貝壽司,個套餐送小金井特製小卷,再問佢可唔可以叫定食,佢又話可以(現在5點35分),朋友就要咗刺身定食,有跟蟹子沙津和味噌湯,等咗3分鐘,北寄貝壽司和特製小卷先到,個北寄貝都ok,但個特製小卷(青瓜卷)真係好孤寒,我令願佢比沙律我,或者唔送仲好,之後個拉麵到,第一件事就係試個湯底,飲唔出有幾豬骨,再試一口拉麵,覺得普通,但唔知點解越食越難食,叉燒唔係半肥瘦,入口有點韌,個碗裡面有幾塊,我都有種唔想食的感覺,湯只是喝了數口,最後勉強把拉麵吃光在我的到了5分鐘後,朋友的都到了,有墨魚、三文魚、吞拿魚、北寄貝、甜蝦和玉子(玉子是刺身?!),墨魚上面有些蟹子,連著一起吃滿不錯的

同友人落鴨記半日行 就近走到小金井開飯喜歡這裡多一點 裝修有日式店子模樣 其餘兩間分店似一般餐廳 早前亦關門大吉所點既 三文魚刺身,魚生飯 (OK) 鰻魚,尤魚,纓花,吉列豬壽司(飯好鬆散) 日式海鮮薄餅(唔見海鮮) 煙肉薯蓉(OK) 日式雞扒蛋飯(滑蛋香) 麻醬冷麵(多麻醬又夠凍)4條友 尼餐食左$420 平均消費$105 都飽肚 但用這個價錢 有心搵既可以找到更美味既食店