HABITŪ all day (已結業)

一家人去慶祝，去左呢間貴價cafe。我地叫左「濃香煙肉忌廉意粉」、「菠菜軟芝士雲吞」、「意式至尊簿批」、「米蘭式薄脆豬扒」、「至尊牛肉漢堡」。「濃香煙肉忌廉意粉」有好多忌廉，好creamy，味道夠濃。而煙肉都算多，都食得過既。「菠菜軟芝士雲吞」一樣都好creamy，雲吞好薄一片一片，食落有微微既菠菜味。「意式至尊簿批」個批都算大，要起碼3、4人先食到。個批係薄批，都算脆。批上面既料唔算多。「米蘭式薄脆豬扒」塊扒真係好大好大，係平時係茶餐廳食到個種2倍或以上既size。食落都好有肉味，不過，未必個個慣呢種味。「至尊牛肉漢堡」就煮得老左D，唔夠juicy，而個包麻麻地，係鬆包個果，感覺一般。呢間野食既份量都好大份，味道夠西式，未必岩曬所有人口味。